63 жастағы ер адам Кербұлақ ауданы Сарыөзек ауылының маңында “Нерест” профилактикалық іс-шарасының барысында ұсталды, деп хабарлайды kazlenta.kz тілшісі polisia.kz телеграм-арнасына сілтеме жасап.
Оның көлігінен балықтың әртүрлі түрлері мен пайдалануға тыйым салынған дараталшық торлары табылды.
- Тәркіленген балықтың жалпы салмағы шамамен 100 келі. Балық сату үшін қабылдау пунктіне өткізілді, одан әрі жиналған қаражат мемлекет кірісіне тапсырылады. Келтірілген шығын 400 мың теңгеге жуық, - деді табиғатты қорғау полициясының аға инспекторы Бағлан Рымжанов.
ҚР ҚК-нің 335-бабына сәйкес тергеу амалдары жүріп жатыр.