Жолаушылар bilet.railways.kz сайтынан онлайн билеттерді сатып алғанда "Қайта отырғызып жеткізу/құрама маршрут" жаңа қызметін пайдалана алады, деп хабарлайды kazlenta.kz "Жолаушылар тасымалы" АҚ баспасөз қызметіне сілтеп.
Тікелей байланыс немесе бос орын болмаған жағдайда, жаңа қызмет түрі пойыздан пойызға ауысатын маршрутты таңдауға мүмкіндік береді.
Қазіргі уақытта қызметті Қостанай-Семей, Екібастұз-Алматы, Ерейментау-Орал, Петропавл-Ақтөбе, Шымкент-Арқалық, Шымкент-Петропавл, Қостанай-Шымкент, Атырау-Семей және тағы басқа бағыттар бойынша билет сатып алғанда пайдалануға болады.