Еліміздің бірнеше өңірінде дауылдық ескерту жарияланды

"Қазгидромет" РМК синоптиктері 27 қаңтарға арналған ауа райы болжамын ұсынып, Қазақстанның бірқатар өңірінде дауылдық ескерту жариялады. 

Синоптиктердің болжауынша, 27 қаңтарда Ақмола облысының солтүстігінде, шығысында бұрқасын күтіледі. Облыстың оңтүстігінде тұман болады. Оңтүстік-батыстан жел соғады, екпіні 15-20 м/с жетуі мүмкін. Астана қаласында 27 қаңтарда бұрқасын болып, оңтүстік-батыстан жел соғады, кей уақыттарда екпіні 15-20 м/с жетеді деп күтілуде. 27 қаңтарда Ақтөбе облысының солтүстігінде, шығысында, орталығында тұман түсуі ықтимал.
27 қаңтарда Шығыс Қазақстан облысының солтүстігінде бұрқасын болуы мүмкін. Жел оңтүстік-шығыстан соғады, облыстың солтүстігінде күші 15-20 м/с жетеді деп болжануда. 27 қаңтарда Қызылорда облысының солтүстігінде тұман күтіледі. 27 қаңтарда Павлодар облысының солтүстігінде бұрқасын болуы мүмкін. Оңтүстік-батыстан жел соғады, облыстың солтүстігінде, батысында екпіні 15-20 м/с жетуі мүмкін. 27 қаңтарда Абай облысының солтүстігінде, орталығында бұрқасын күтіледі.
Жел оңтүстік-батыстан соғады, облыстың солтүстігінде, орталығында 15-20 м/с, түнде екпіні 25 м/с жетуі мүмкін. 27 қаңтарда Жетісу облысының Алакөл көлдері ауданында оңтүстік-шығыстан жел соғып, екпіні 15-20 м/с, кей уақытта 23-28 м/с жетуі мүмкін. скачать dle 11.1смотреть фильмы бесплатно