Дүйсенбі күні кешке жылдағы ең суық күн Ұлыбританияның 1 млн астам үй шаруашылығы электр энергиясына жеңілдік алу мақсатында электр қуатын сөндіреді, деп хабарлайды ҚазАқпаратқа сілтеме жасаған kazlenta.kz
23 қаңтарда Ұлыбританияның ең ірі электр энергиясын беру және тарату операторы National Grid алғаш рет ең көп жұмыс істейтін сағаттарда, негізінен кешкі уақытта электр энергиясын тұтынуды азайтқан абоненттерге сыйақы төлей бастайды. Елде ең жоғары жүктеме кезінде энергия тұтынуды азайту үшін ынталандыру төлемдерін қамтитын жаңа схема мақұлданды.
Ол наурыз айына дейін созылады. Оған 1 миллионнан астам тұтынушы қатысып жатыр. Абоненттер күнделікті тұтынып жүрген энергияны 30 процентке қысқартуы тиіс, шамамен 1 сағатқа. Әрбір үнемделген киловатт-сағат үшін тұтынушылар орта есеппен 3 фунт стерлинг алады.
Осылайша қыс мезгілінде әрбір қатысушы абонент электр энегиясы үшін жеңілдік ретінде 100 фунт стерлинг алады.
Бұл жаңа шара Ұлыбританияның электр жабдықтауына қауіп келтіріп жатыр деген сөз емес. Электр стансалары қажет болған жағдайда электр қуатын көбейтуге дайын, деп сендірді National Grid.