АҚШ-та торнадо дауылы тұрып, жеті адам қаза тапты. Сондай-ақ, 12 адам зардап шекті. Бұл туралы Associated Press мәлім етті, деп хабарлайды ҚазАқпаратқа сілтеме жасаған kazlenta.kz
Торнадо салдарынан Алабама штатында алты адам, Джорджия штатында тағы бір адам қаза тапқан.
Агенттік Отога (Алабама штаты) округі бойынша төтенше жағдайлар басқармасының басшысына сілтеме жасай отырып мәлім еткеніндей, биліктің есебіне табиғат құбылысынан зақымданған 40-50 үй алынған.
Рoweroutage.us порталының мәліметі бойынша, Джорджияда 65,6 мыңнан және Алабамада 32,5 мыңнан астам тұтынушы электр қуатынсыз қалған.