Екібастұз қаласына қарасты Шідерті кенті маңында жолдың жабық болуына байланысты 270 техника жиналып қалды, деп хабарлайды Pavlodarnews.kz-ке сілтеме жасаған kazlenta.kz.
Облыстық ТЖД баспасөз қызметінің мәліметінше, оның ішінде 115-і жүк, 155-і жеңіл автокөлік, адамдардың жалпы саны - 511, оның ішінде 12-сі бала.
«Бес жылыту пункті дайын – «Сарухан», «Ақжол» қонақ үйлері, Шідерті кентінің мешіті, ЖОББМ, дене шынықтыру-сауықтыру кешені. «Сарухан» қонақ үйінде 16 адам (5 жеңіл автокөлік), «Ақжол» қонақ үйінде 6 адам және Шідерті кентіндегі мешітте 21 адам, оның ішінде 3 бала (5 жеңіл автокөлік) орналасқан», - деді департаменттен.
«ҚазАвтоЖол» ҰК» АҚ қызметкерлері 12 техникамен автожолды тазалауда. ТЖД 2 қызметкер және бір техника, ЖПҚ 4 қызметкер және 2 техника, ЖАО 2 адам және бір техника тартылды.
Айта кетейік, 12 қаңтарда ауа райы жағдайының нашарлауына байланысты барлық бағыттар бойынша көліктің түгел түрі үшін жолдар жабылған. Шідерті кентінде көлік кептелісі орын алды.