2020 жылғы 18 желтоқсанда сағат 22.00-де Павлодар облысының Ақтоғай ауданында Ақжол ауылының маңында ауа райының қолайсыздығына байланысты далада қар құрсауында 6 жеңіл автокөлік тұрып қалғаны туралы хабарлама түсті. Бұл 15-өрт сөндіру бөлімінен 67 шақырым жерде болатын. Бұл туралы Павлодар облысы ТЖД баспасөз қызметі хабарлады, деп хабарлайды kazlenta.kz.
ТЖ орнына 8 құтқарушы 2 бірлік техникамен жедел жетіп, 16 адамды құтқарды. Азаматтардың ешқайсысы медициналық көмекке мұқтаж емес.
Құтқарушылардың жедел және үйлесімді әрекеттерінің арқасында ешкім зардап шеккен жоқ.
Павлодар облысының ТЖД азаматтарға дауылды ескерту жарияланған жағдайда елді мекендерден шықпауға кеңес береді.