Қазақстанда экономикалық дамудың үш ықтимал сценарийі жасалды. Бұл туралы Үкімет отырысында ҚР Ұлттық экономика министрі Руслан Дәленов хабарлады.
"Сыртқы және ішкі жағдайларға байланысты 2021-2025 жылдарға арналған Қазақстанның экономикалық дамуының үш ықтимал сценарийі жасалды. Бұл базалық, оптимистік және пессимистік сценарий", - деді Руслан Дәленов.
Министрдің айтуынша, базалық сценарий бойынша ЖІӨ-нің орташа жылдық өсу 4,0%, оптимистік сценарий бойынша - 4,5% және пессимистік сценарий бойынша - 3,0%. «Консервативті тәсілді ескере отырып, бюджеттік жоспарлауға негіз ретінде базалық сценарийді қолдану ұсынылады», - деп қорытындылады Руслан Дәленов.