29 желтоқсанда Екібастұзда жылу желілеріндегі ақау салдарынан, бірқатар ғимаратта жылу беру уақытша тоқтатылады, деп хабарлайды Pavlodarnews.kz.
Басылымның хабарлауынша, 29 желтоқсан күні таңғы 09:00-ден кешкі 17:00-ге дейін Екібастұзда бірнеше нысанға жылу беру уақытша тоқтатылады. Оларға: Момышұлы көшесінің бойындағы 65, 67, 69, 71, 73, 79, 81, 83/13, 83а көпқабатты үйлері; Наурыз көшесінің бойындағы жеке үйлер мен Момышұлы көшесінің бойындағы 66а, 71, 75а, 756, 79а жеке үйлері; сондай-ақ Момышұлы көшесінің бойындағы 83/13, 85/12 заңды тұлғалары жатады. Басылым ұсынған мәліметтерге сәйкес, жылу беруді тоқтату жылу желілеріндегі ақауға байланысты тоқтатылатыны айтады.
"Екібастұзжылуэнерго" ЖШС хабарлағандай, мәселе Момышұлы, 69 көшесінің бойындағы үйге қарай, ішкі кварталдық жылу жүйесімен байланыстырылып отыр. Ақауды жөндеп, оны жою үшін, бірнеше сағат қажет", – деп жазады басылым. Айта кетейік, қараша айының соңында Екібастұз ЖЭО апат болып, салдарынан қаланың көп бөлігі жылусыз қалған еді. Кейін қаладағы апатиты жағдаймен танысуға үкімет басшысы Әлихан Смайыловтың өзі барған еді. Сондай-ақ Қасым-Жомарт Тоқаев Екібастұздағы апаттан кейін, үкімет пен әкімдіктерге бірқатар тапсырма берген болатын.
29-12-2022, 09:43
Бүгін Екібастұзда бірнеше үй уақытша жылудан ажыратылады
Егер мәтінде қате байқасаңыз, оны таңдап, Ctrl+Enter пернелерін басыңыз