ҚР Төтенше жағдайлар министрлігі 2023 жылдың 1 қаңтарынан бастап қызметкерлердің жалақысын көтеру мәселесін қарастырып жатыр, деп хабарлайды ҚазАқпаратқа сілтеме жасаған kazlenta.kz
ҚР Төтенше жағдайлар министрі Юрий Ильиннің айтуынша, төтенше жағдай кезіндегі күрделі жұмыстарымен айналысатындарға да қосымша үстемеақы қарастырылып отыр.
Осы орайда ол үстемеақы сомасы қызметтік жалақы деңгейіне қарай айқындалатынын айтты. Министрлік ресми жалақының 20 пайызы деңгейінде өтінім берген. Егер қызметтік жалақыны өсірсе, онда әр жұмыс күніне орташа есеппен 30 мың болады.
Бұдан бұрын хабарланғандай, бүгін Сенаттың жалпы отырысында «Қазақстан Үкіметі мен Өзбекстан Үкіметі арасындағы төтенше жағдайлардың алдын алу және оларды жою саласындағы ынтымақтастық туралы келісімді ратификациялау туралы» Заң қабылданды.