"Құрметті достар! Мен Қарағанды облысының әкімі лауазымындағы өз жұмысымды аяқтадым. Бұл үш жыл мен үшін үлкен өмір мектебі болды. Бірінші кезекте мен азаматтардың, кеншілердің, металлургтердің, жастардың және ауыл тұрғындарының мүддесі үшін жұмыс істеуге тырыстым. Алдымызға қойылған міндеттерді шешуде мен әрқашан сіздердің қолдауларыңызды сезіндім, сондай-ақ ескертулеріңіз бен ұсыныстарыңызды тыңдадым. Маған танытқан сенімдеріңіз үшін барлығыңызға шынайы алғыс айтамын. Біздің өңірге амандық пен одан әрі өркендеу тілеймін!", - деп жазды Жеңіс Қасымбек.
Айта кетейік, Жеңіс Қасымбек Қарағанды облысының әкімі болып, 2019 жылғы 19 қыркүйекте тағайындалған еді. Енді ол Астана қаласын басқарады.