Шымкент қаласы Абай ауданындағы Жаңаталап елдімекенде тұратын Мухаббат Уримбаеваның бұл төртінші перзенті. 20 қараша сайлау күні толғақ басталғанына қарамай Мухаббат дауыс беріп үлгерген. Азаматтық міндетінен айнымаған ана жас босанған соң отбасымен келісіп, төртінші сәбиіне Азамат есімін берген.
"Қасым-Жомарт Кемелұлындай азамат болсын деп ниетпен ұлыма енем Азамат деп ат қойды. Азаматтың салмағы - 3 400 грамм. Баламның да, өзімнің де жағдайым жақсы. Екі-үш күн толғатып жүріп, 23 қараша күні таңертең босандым," - дейді ол.
Көп балалы ана атанған Мухаббатты үйінде тағы екі қызы мен ұлы күтіп жүр. Тұңғыш ұлы бес жарым жаста, екінші перзенті үш жарым жасар, үшінші қызы бірден асты. Мухаббат қазақ отбасына келін болған өзбек қызы. "Әулеттің бесінші келінімін. Жұбайым құрылыс материалдарын сататын дүкенде жүк тасушы боп жұмыс істейді. Өзім өзбек қызы болсам да, қазақтың барлық салты мен дәстүрін ұстанамын,"- дейді Мухаббат. Айта кетелік, Мухаббат Умиралева сайлауда толғатып жүріп дауыс беріп, сәбиіне жеңіске жеткен үміткердің есімін беретінін мәлімдеген болатын.