Алматыда Гоголь мен Шәріпов көшелерінің қиылысында құбыр жарылды. Куәгерлер көшенің дәл ортасында судың атқылап жатқан сәтін видеоға түсіріп алған. Видеоны Instagram-дағы kris.p.original парақшасы жариялады, деп хабарлайды KAZ.NUR.KZ-ке сілтеме жасаған kazlenta.kz
Кадр сыртындағы адам бұл жайт Шәріпов пен Гоголь көшелерінің қиылысында болғанын айтады. Құбыр жарылған аумақ.Видео авторының сөзінше, құбырдан жоғары қарай атқылаған су 5-6 метрге дейін көтерілген. Атқылаған судан жерде шалшық пайда болған. Құбыр жарылған аумақ. Алматы әкімдігі оқиғаға қатысты NUR.KZ тілшісіне кейінірек пікір білдіруге уәде берді.
Айта кетейік, 2GIS қолданбасындағы мәліметке сүйенсек, қазір қалада 8 баллдық көлік кептелісі байқалуда. Картадан сондай-ақ оқиға аймағындағы жолдарда көлік нөпірі көбейгенін аңғаруға болады. Гоголь мен Шәріпов қиылысында бірнеше мектеп, Алматы экономикалық колледжі, сондай-ақ Қазақ ұлттық қыздар педагогикалық университетінің ғимараттары орналасқан.
11-11-2022, 11:07
Алматы орталығында құбыр жарылды
Егер мәтінде қате байқасаңыз, оны таңдап, Ctrl+Enter пернелерін басыңыз