Министрдің сөзінше, 2025 жылға дейін шәкіртақыны өсіру жоспарланған.
"Осы мүмкіндіктер сақталады. 2025 жылға дейін шәкіртақыны өсіреміз. Келесі қыркүйектен бастап тағы 15 пайызға, 20 пайызға өседі. Мақсатымыз - оқытушыларымыздың, профессорларымыздың, Ph-докторанттарымыздың, студенттеріміздің шәкіртақыларын өсіріп, еңбек нарығындағы орташа және жоғары деңгейге келтіру. Неге десеңіздер - қазіргі таңда ұстаздардың жалақылары өсті. Біз соңғы екі жылда 3 мыңнан астам профессорымызды жоғалтып алдық. Олар мектептерге кетті. Себебі мектепте жалақы жақсы", - дейді министр.
Айта кетейік, биыл 1 қыркүйектен бастап студенттердің, магистранттар мен докторанттардың шәкіртақысы өскен болатын.