Елімізде жанашыр студенттердің бастамасымен «EcoStudentKZ» челленджі бастау алды, деп хабарлайды kazlenta.kz.
Алғаш болып шымкенттік студенттер "Қошқар ата" өзенінің жағалауында бейберекет жатқан қоқыс орындарын тазалап «Эко-плоггинг» өткізді.
Келесі кезекте павлодарлық студенттер эстафетаны жалғастырып, қаланың саябақтары мен алаңдарын қоқыстан тазартатын болады.
Айта кетерлігі, аталған іс-шараның басты мақсаты Қазақстан тұрғындарын қоршаған ортаны қорғауға шақырып, қоқыс лақтырмауға жол бермеу. Игі бастамаға қатысушылардың айтуынша, челлендж арқылы Отанға деген сүйіспеншілігімізді нығайту көзделуде.