Апта сайын "Жаснұр "ӨШҚ" МКҚК қызметкерлері мен "Нұр-Сұлтан қаласының қоршаған ортаны қорғау және табиғатты пайдалану басқармасы" ММ қызметкерлері еріктілерді тарта отырып Сарыбұлақ өзенінде сенбіліктер өткізеді, деп хабарлайды елорда әкімдігінің ресми сайты.
Аумақты түрлі қоқыстан және қатты тұрмыстық қалдықтардан тазарту бойынша жұмыстар жүргізілуде, сондай-ақ қоқыс жинау кезінде тоқыма, киім, матрац, көрпе, жастық заттары да табылды. Сондай-ақ, су беті тазартылып, құлаған жапырақтар мен ағаш бұтақтары жиналды, беткейлердегі артық өсімдіктер шабылды.
Барлығы бір тоннаға жуық қоқыс жиналды.
Естеріңізге сала кетейік, қоқыс пен басқа да қалдықтар қоқыс полигондардың пайда болуына әкеледі. Сондықтан әкімдік қала тұрғындарын жергілікті жердің тазалығын қадағалауға және қоқысты арнайы бөлінген контейнерлерге тастауға, пикниктерден кейін қоқыс қалдықтарын өзімен бірге алып кетуге шақырады.