Мемлекет басшысы Қасым-Жомарт Тоқаевтың Қазақстан халқына Жолдауында баяндалған тапсырмаларын орындау мақсатында Әлеуметтік және еңбек қатынастары, сондай-ақ өңірдегі жалақыны арттыру мәселелері бойынша кеңес өтті. Ең төменгі жалақыны 60 000 теңгеден 70 000 теңгеге дейін көтеру, оны уақтылы төлеу, еңбек жанжалдарын шешу, сондай-ақ Еңбек кодексінің барлық нормаларын сақтау күн тәртібіндегі басты мәселе болды.
Еңбек инспекциясы басқармасы басшысының баяндамасында баяндалғандай, 2022 жылдың қаңтар айынан бастап облыстың 1200-ден астам кәсіпорны 45 мыңнан астам қызметкердің жалақысын орта есеппен 27 пайызға арттырды. 879 мекеменің 4500-ден астам қызметкерінің еңбек қатынастары заңдастырылды, сондай-ақ 1205 кәсіпорынға ҚР Еңбек Кодексінің 182-бабын сақтау қажеттілігі туралы, жұмыс беруші қызметкерді еңбек шартының міндеттерін атқару кезінде жазатайым оқиғалардан сақтандыруға міндетті екендігі туралы хабарламалар жіберілді.
Сондай-ақ, 8 айдың қорытындысы бойынша Тараз қаласында, сондай-ақ Жамбыл, Байзақ, Жуалы, Қордай, Талас және Шу аудандарында үшжақты комиссияның аудандарда 5 кеңесі өткізілгені атап өтілді, дегенмен мемлекет Басшысының тапсырмаларын орындау үшін ай сайын отырыстар өткізу міндеті қойылды.
"Жалақыны көтеру, сондай-ақ Еңбек кодексін қатаң сақтау мәселелері назардан тыс қалмауы тиіс. Бүгінгі таңда біздің өңірде туындаған еңбек жанжалдарын анықтау және шешу маңызды. Аудандық деңгейдегі үшжақты комиссияларға осы мәселелер бойынша жұмысты күшейту, сондай - ақ еңбек инспекциясымен және кәсіпорындармен тығыз ынтымақтастықты бастау міндетті", - деп тапсырды Нұржан Нұржігітов.
Сондай-ақ, Тараз қаласының және облыс аудандарының әкімдері сөз сөйледі, кеңес қорытындысында барлық уәкілетті органдар жұмыскерлер мен жұмыс берушілердің әлеуметтік-еңбек қатынастары жүйесін жетілдіру үшін тиісті нақты нұсқаулар алды.