Қазақстан республикасының еңбек сіңірген әртісі Тамара Қосыбаева 95 жасқа қараған шағында өмірден озды, деп хабарлайды KAZ.NUR.KZ-ке сілтеме жасаған kazlenta.kz
Тамара Өкіметқызының өмірі жарқын әрі шығармашылыққа толы болды. 1947 жылы жас Тамара КСРО Халық әртісі Григорий Рошаль басқарған киноактерлік мектептің түлегі атанады. Кейін аты аңызға айналған Наталья Ильинична Сац басқарған ТЮЗ-де қызмет етті. Содан кейін қайтадан Ташкент театр институтына оқуға түсіп, оқуды аяқтаған соң Қазақ академиялық драма театры мен Қарағанды облыстық драма театрында ойнады.
Әрине сүйікті кинематографта назардан тыс қалмады, актриса тек Қазақстанда ғана емес, Қырғызстан, Өзбекстан және Ресейде де рөлдерді сомдады. Оны "қазақтың нағыз сұлуы" деп атайтын, өйткені әртіс Баян Сұлудың образын керемет сомдап шыққан. Кейін көрермендер актрисаны Абдулла Қарсақбаевтың "Балалық шаққа саяхат" фильміндегі бас кейіпкердің анасы – дана әйел Әспетпен теңестіре бастады. Одан соң көптеген егде адамдардың рөлдерін сомдай келе Тамара Өкіметқызы мейірім мен махаббатқа толы "халық әжесіне" айналды.
"Кино – менің өмірім, ал актерлік – мамандық емес, шипасы жоқ дерт іспеттес. Сіз ол әлемге толықтай енесіз. Мен қазіргі уақытта романтизмге, шытырман оқиғаларға және әрдайым керемет көңіл-күйге толы сахнаны, рөлдерді, гастрольдерді сағындым", - дейтін актриса. Ұлттық киноны қолдау мемлекеттік орталығы және Қазақстан киногерлері одағы ҰКҚМО КЕАҚ Басқарма төрағасы Есетжан Қосыбаевқа және Тамара Қосыбаеваның туған-туыстары мен жақындарына қайғырып көңіл айтады.
16-08-2022, 11:18
Қазақстанның еңбек сіңірген әртісі қайтыс болды
Егер мәтінде қате байқасаңыз, оны таңдап, Ctrl+Enter пернелерін басыңыз