Алматы, Жамбыл және Қызылорда облыстарының Ұлттық қауіпсіздік комитеті және полиция департаменттерін, Алматы әуежайының ғимараттарын тастап кету фактілері бойынша жұмыс жалғастыруда. Бұл органдардың басшылары күдікті ретінде танылды. Бұған дейін хабарланғандай, Жамбыл облысы полиция департаменті бастығының бұрынғы орынбасары ұсталды, деп хабарлайды kazlenta.kz.
Ол қызметтік қаруды сақтауға жауапты болды және қару арсеналының бір бөлігін тоналуына жол берді. Бас прокуратураның 1 қызмет бастығының орынбасары Елдос Қилымжановтың айтуынша, нәтижесінде қылмыскерлердің қолында 610 қару, соның ішінде автоматтар, тапаншалар мен гранатометтер болды.
«Қазіргі уақытта 206 ғана қару табылды, қалғандары қылмыскерлердің қолдарында. Сонымен қатар, Алматы қаласы әуежайының Желілік полиция бөлімінің бастығы ұсталды.Ол өзінің қызметтік міндеттерін орындамады, әуежайды күзетсіз қалдырды. Осылайша, әуежайды басып алуға жол берді. Нәтижесінде әуежайға айтарлықтай зиян келтірілді, оның инфрақұрылымы бұзылды, кәсіпкерлердің мүлкі ұрланып, жолаушылардың өмірі мен денсаулығына нақты қауіп төнді. Дей тұрғанымен сол кезде әуежайда 165 қауіпсіздік қызметкері, оның ішінде 40 полиция қызметкері, 65 шекарашы, 60 авиациялық қауіпсіздік қызметкері болған. Олардың барлығы да шабуылға тойтарыс беру үшін жеткілікті атыс қаруларымен қамтамасыз етілген болатын», - деді Бас прокуратура өкілі.