Вакцинация пунктеріне қайта вакцинациялауға бірінші болып медицина қызметкерлері келеді. Естеріңізге сала кетейік, олар елде жаппай вакцинациялау басталған кезде КВИ-ге қарсы вакцинаны алғашқылардың бірі болып алды.
Елордалық дәрігерлер неліктен қайта вакцина алуды шешкендерін және екінші рет қандай вакцинаны таңдағандарын айтты.
"Мен емханада жұмыс істеймін және күніне көптеген науқастарды қабылдаймын. Көптеген әріптестерім сияқты ақпан айында вакцинацияландым, ұжым арасында ауру аз. Мен және менің әріптестерім осы үрдісті қолдаймыз және осы себептен ревакцинациядан өттім. Мен Синофарм вакцинасын алдым және өзімді жақсы сезінемін. Ешқандай ауру белгілерін байқамадым",-дейді №10 қалалық емхананың уролог дәрігері Тілек Тұмарбеков.
№15 қалалық емхананың күндізгі стационар дәрігері Зияда Ысқақованың айтуынша, ол ревакцинацияны алу немесе алмау туралы тіпті ойланбаған да.Себебі оның таңдауы қайта екпе алуға түскен.
"Мен үшін жауап біржақты болды - қайта вакцинациялау, өйткені менің иммунитетім әлсіз. Бірақ бүгінгі күні мен ПТР-тестін қанша тапсырсам да, ол үнемі теріс. Бұл менің коронавирустық инфекциядан қорғалғанымды білдіреді. Бұл мен үшін өте маңызды, өйткені мен үнемі көптеген пациенттер жұмыс істеймін. Мен кеше қайта вакцинацияландым. Өзімді жақсы сезінемін. Бұл жолы Синофарм алдым".
Дәрігер барлық азаматтарға міндетті түрде қайта вакцинациялануға және оны уақытылы жасауға кеңес берді.
"Менің ойымша, бұл негізгі ұстанымдардың бірі, иммунитетті нығайту мен антиденелер шығарудың соңғы кезеңі. Мен ревакцинацияны қолдаймын", - деді Зияда Ысқақова.