Шу қаласындағы жаппай төбелес салдарынан 2 адам көз жұмып, біреуі жансақтау бөліміне жатқызылды, деп хабарлайды Polisia.kz.
23 қазан сағат 21.00 шамасында Шу қаласындағы жеке тұрғын үйлердің бірінде алкогольдік ішімдік ішу барысында бес азаматтың арасында жанжал туындап, соңы төбелеске ұласқан.
Келтірілген пышақ жарақаттарының нәтижесінде 2 адам қаза болып, бір тұрғын Шу қалалық ауруханасының жансақтау бөліміне жатқызылды.
Аталған дерек бойынша ҚР ҚК 99-бабының 2-бөлігі 1-тармағы бойынша сотқа дейінгі тергеу амалдары басталды.
Жүргізілген тергеу әрекеттерінің нәтижесі бойынша жергілікті екі тұрғын анықталып, ұсталды. Қылмыстық іс бойынша тергеу жүргізіліп, бірқатар сот сараптамалары тағайындалды.
ҚР ҚПК-нің 201-бабына сәйкес сотқа дейінгі тергеп-тексерудің өзге де деректері жария етуге жатпайды.