Қарағанды облысында полиция қызметкерлері тиісті есептер мен деректер базасында мәліметтері бар көлік құралдары мен жүргізушілерді жедел анықтау мақсатында “Қорғау” қосымшасын белсенді пайдалануды жалғастыруда. Бір апта ішінде барлығы 88 көлік құралы анықталды, оның ішінде: 19 — деректері анықталмаған көлік құралы; 2 — жол қозғалысы ережелерін қасақана бұзушы. Олардың біреуінде жалпы сомасы 422 675 теңгені құрайтын төленбеген 18 айыппұл, екіншісінде 194 625 теңге сомасына 8 айыппұл болған; 5 жүргізуші жеке сот орындаушыларының бағдарламалары бойынша ұсталды. Олардың бірінің берешек сомасы 4 890 546 теңгеге жеткен.16 көлік құралы мамандандырылған тұраққа қойылды.
“Қорғау” қосымшасы полиция қызметкерлеріне деректер базасы мен бағдарламаларда тұрған көлік құралдарын нақты уақыт режимінде анықтап, заңнамада көзделген шараларды жедел қабылдауға мүмкіндік береді. Цифрлық технологиялар жолдардағы бақылаудың тиімділігін арттырып, жауапкершіліктің бұлтартпастығы қағидатын іс жүзінде қамтамасыз етуге мүмкіндік береді. Полиция жүргізушілерді жол қозғалысы қағидаларын сақтауға шақырады.