Өскеменде криминалдық полиция қызметкерлері жергілікті тұрғынның алаяқтардың құрбаны болуына жол бермей, шамамен 3 миллион теңгесін сақтап қалуға көмектесті, деп хабарлайды kazlenta.kz тілшісі Polisia.kz сайтына сілтеме жасап.
Үлбі полиция бөлімінің қызметкерлері Жанарбек Бекенбаев пен Дулат Мажитов жағдайды дер кезінде байқап, алаяқтардың әрекетін тоқтатты. Полицияның жедел қимылының арқасында ақша алаяқтардың қолына түспеді. Ақшасын сақтап қалған қала тұрғыны полиция қызметкерлеріне кәсібилігі мен дер кезінде көрсеткен көмегі үшін алғысын білдірді. Полиция азаматтарға сақ болуды ескертеді. Егер бейтаныс адам телефон арқылы банк картасының нөмірін, құпия сөзді немесе SMS арқылы келген кодты сұраса, ешқандай ақпарат бермеңіз. Сондай-ақ бейтаныс адамдардың айтуымен ақша аудармаңыз. Күмәнді қоңырау болса, әңгімені бірден тоқтатып, банкке немесе полицияға өзіңіз ресми нөмір арқылы хабарласыңыз. Есіңізде болсын: алаяқтар сізді асықтырып, қорқытып немесе ақшаңызды "қауіпсіз шотқа" аударуды сұрауы мүмкін. Мұндай жағдайда сабыр сақтап, ақпаратты міндетті түрде тексеріңіз.Бүгін, 12:30
Өскеменде полиция тұрғынның 3 млн теңгесін сақтап қалды
Фото: polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз