Түркістан облысында жол қозғалысы ережесін өрескел бұзған жүргізуші ұсталды, — деп хабарлайды kazlenta.kz тілшісі Polisia.kz сайтына сілтеме жасап.
Түркістан облысында полицейлер жедел басқару орталығының бейнебақылау камералары арқылы аудан аумағындағы қоғамдық қауіпсіздікті қамтамасыз етіп, жедел ахуалға тәулік бойы мониторинг жүргізуде. Айта кетсек тамыз айының басынан бері Сайрам ауданында бейнебақылау камералары арқылы 300-ден астам құқық бұзушылық анықталды. Полицейлер әрбір деректі дер кезінде назарға алып, тиісті шаралар қабылдауда.
Мәселен , ауданының көшелерінің бірінде бейнебақылау камералары арқылы Opel Vectra автокөлігінің жүргізушісі жол қозғалысы ережесін өрескел бұзғаны анықталды. Нақтырақ айтқанда үйіне асыққан жүргізуші көлік құралын басқару барысында қос тұтас сызықты басып өтіп, қарсы бағытқа шығып бұрылыс жасаған. Аталған дерек бойынша жүргізушіге қатысты әкімшілік шара көріліп, жинақталған іс материалдары сотқа жолданды. Тәртіп сақшылары жүргізушілерді жол қозғалысы ережелерін қатаң сақтап, асығыстыққа жол бермеуге шақырады. Баратын жерге бірнеше минут ерте жеткеннен гөрі, жол қауіпсіздігі талаптарын сақтап, діттеген жерге аман-есен жету әлдеқайда маңызды. Себебі асығыстықпен жасалған бір ғана қауіпті маневр орны толмас салдарға әкелуі мүмкін.