Атмосфералық фронттардың әсерінен республиканың басым бөлігінде найзағай ойнап, екпінді жел соғатын қысқа мерзімді жаңбыр жауады, кей жерлерде бұршақ түсуі мүмкін, деп хабарлайды kazlenta.kz.
Елдің солтүстік-батысында, солтүстігінде және шығысында нөсер жаңбыр жауады деп болжануда. Ал Қазақстанның оңтүстігі мен оңтүстік-шығысында Иран аумағынан келетін құрғақ ауа массаларының ықпалынан жауын-шашынсыз ауа райы сақталады.
Ауа температурасы елдің басым бөлігінде біртіндеп жоғарылай береді. Тек Қазақстанның батыс, солтүстік-батыс және солтүстік өңірлерінде 1 тамыздан бастап аптап ыстық бәсеңдеп, күндізгі ауа температурасы 25–35 градусқа дейін төмендейді. Республиканың қалған бөлігінде күндіз орталық, шығыс және оңтүстік-шығыс аймақтарда ауа температурасы 33–41 градусқа, ал оңтүстікте 35–44 градусқа дейін көтеріледі.