Атлантикалық циклон еліміздің басым бөлігінде өз ықпалын сақтайды. Соған байланысты жаңбыр, найзағай, еліміздің шығысында қатты жаңбыр, бұршақ, дауыл, екпінді жел сияқты қолайсыз метеорологиялық құбылыстар күтіледі. Тек еліміздің батысы мен солтүстік-батысында жауын-шашынсыз ауа райы болжанады, деп хабарлайды kazlenta.kz.
Сонымен қатар Иран аумағынан ыстық ауа массаларының келуіне байланысты еліміздің басым бөлігінде қайтадан аптап ыстық болады. Күндіз ауа температурасы батыс пен солтүстік-батыста +38…+43°C-қа дейін, солтүстікте +30…+35°C, орталықта +28…+39°C, оңтүстікте +36…+41°C, оңтүстік-шығыста +29…+37°C, ал солтүстік-шығыс пен шығыста +23…+32°C аралығында көтеріледі.