“ІІМ үздік жедел уәкілі” байқауының жеңімпаздары марапатталды, – деп хабарлайды Polisia.kz.
Ішкі істер министрі Ерлан Тұрғымбаев Қазақстан Республикасы ІІМ жедел бөлімше қызметкерлері арасында өткен “Үздік жедел уәкіл” республикалық байқауының жеңімпаздарын марапаттады.
<!--more-->Байқауға еліміздің криминалдық полиция бөлімшелерінің 17 үздік жедел қызметкері қатысты.<!--more-->
– Қылмысқа қарсы күрес, құқық бұзушылықтың алдын алу және қоғамдық тәртіпті сақтау – ішкі істер органдары қызметкерлерінің басты міндеті. Қызметтік борышын адал атқару үшін полицей кәсібибілікті және білімді болуы тиіс, – деді ведомство басшысы.
<!--more-->Министр бүгінгі таңда ең күрделі және аса шытырман қылмыстар жедел қызметкерлердің білімі мен дағдыларының, олардың табандылығының, адалдығының, батылдығы мен қылмысқа қарсы күрестегі жедел тапқырлығының арқасында ашылатынын атап өтті.
<!--more-->Ерлан Тұрғымбаев соңғы уақытта қоғамды ақпараттандырудың дамуына байланысты қылмыстардың саны артып келе жатқанын жеткізді. Жылдан жылға олардың саны қарқынды өсуде. Жыл басынан бері елімізде 16 мыңнан астам интернет-алаяқтық тіркелген, бұл барлық қылмыстардың 15%-ын құрайды. Ақпараттық технологиялар қолданылатын басқа да қылмыстардың саны арта бастаған.
<!--more--><!--more-->Сондықтан, қазіргі жағдайда жедел-іздестіру қызметінің базалық білімдерінен басқа, жедел қызметкерлер цифрлық технологиялармен жұмыс істеу дағдылары мен іскерліктерін дамытуы қажет.
<!--more-->Жалпы, өткізілген байқау жедел-іздестіру қызметін одан әрі дамытуға және жедел уәкілдердің кәсіби шеберлігін арттыруға ықпал етеді.
<!--more-->Байқау жеңімпаздары дипломдармен, алғыс хаттармен және бағалы сыйлықтармен марапатталды.