Павлодар облысының полициясы жабайы қарасора өсетін ошақтарды жою туралы 100-ден астам нұсқама берді. Нәтижесінде талаптарды орындамаған 20 азамат әкімшілік жауапкершілікке тартылды, – деп хабарлайды kazlenta.kz тілшісі Polisia.kz сайтына сілтеме жасап.
Мәселен, учаскелік полиция инспекторлары аулаларды аралау барысында жабайы қарасораны жою шараларын қабылдамаудың екі дерегін анықтады. Аққулы ауданында ауыл тұрғынының үй іргесіндегі аумақта жабайы қарасора өскені анықталды. Бұған дейін оған өсімдікті жою туралы нұсқама берілгенімен, талап орындалмаған. Ал Тереңкөл ауданында полицейлер тұрғынның үй маңындағы жер учаскесінен жабайы қарасораның өскенін анықтады.
Ер адам қарасораның өздігінен өскенін айтқанымен, учаскелік полиция инспекторы берген нұсқаманы орындамаған. Осылайша талаптарды орындамаған барлығы 20 азамат әкімшілік жауапкершілікке тартылды Полиция құрамында есірткі заты бар жабайы өсімдіктерді жою міндеті олардың өскені анықталған жер учаскесінің меншік иесіне жүктелетінін еске салады.