Астана жастары халықаралық аренада тағы бір маңызды белеске жақындап келеді – WorldSkills Shanghai 2026 әлем чемпионатына дайындалып жатқан ASTANA POLYTECHNIC жоғары колледжінің командасы «Веб-технологиялар» құзыреті бойынша өткен халықаралық онлайн сайыста жүлделі жетістікке қол жеткізіп, өз деңгейін айқын көрсетті, деп хабарлайды kazlenta.kz тілшісі елорда әкімдігінің ресми сайтына сілтеме жасап.
WorldSkills Hungary ұйымдастырған халықаралық онлайн чемпионатқа «ASTANA POLYTECHNIC жоғары колледжінің» түлегі, TAU студенті Мұхамеджан Ағыбай қатысып, чемпион атанды. Жетекшісі – колледж оқытушысы, халықаралық сарапшы Айжан Зияданова.
Чемпионатқа мына елдердің өкілдері қатысты: Қазақстан, Бельгия, Қытай, Жапония, Сингапур, Тайбэй.