Павлодар облысында ZEREK-2 жүйесімен жылдамдық режимін бұзудың 23 мыңнан астам дерегі анықталды, - деп хабарлайды kazlenta.kz тілшісі Polisia.kz сайтынас сілтеме жасап.
Жол-көлік оқиғаларының санын азайту, сондай-ақ Павлодар облысының республикалық маңызы бар автожолдарында жүргізушілердің тәртібін арттыру мақсатында Павлодар – Омбы, Павлодар –Астана, Павлодар – Семей бағыттарында ZEREK-2 сертификатталған аппараттық-бағдарламалық кешені жұмыс істейді.
Жыл басынан бері ZEREK-2 жүйесімен жылдамдықты арттырудың 23 264 дерегі анықталды. Мәселен, көлік жүргізушісі Павлодар – Астана автожолында белгіленген жылдамдық режимін бұзып, рұқсат етілген 140 км/сағ орнына 183 км/сағ жылдамдықпен жүрген. "Заң және тәртіп" қағидатын басшылыққа ала отырып, полиция көлік жүргізушілерінен жоғары зейін мен тәртіптілікті талап ететінін еске салады. Жылдамдықты арттыру – жол қозғалысына қатысушылардың барлығы үшін қауіп екенін ұмытпау қажет.