Алматы облысындағы дауыс беру учаскелерінің бірінде «Алтын адам» бейнесіндегі азамат пайда болды. Референдумға осындай ерекше образбен келген қатысушының видеосы әлеуметтік желілерде таралып, көпшіліктің назарын аударды, деп хабарлайды kazlenta.kz.
Қазақ тарихындағы басты нышандардың біріне меңзейтін жарқын образ учаскеге келген тұрғындардың қызығушылығын тудырып, оқиғаға ерекше атмосфера сыйлады. «Алтын адамның» дауыс беру учаскесіне келуі күннің есте қалар сәттерінің біріне айналып, азаматтық белсенділік пен ұлттық құндылықтардың сабақтастығын айқын көрсетті.
Референдумға қатысудың мұндай креативті үлгісі желі қолданушылары арасында да кеңінен талқыланды. Көпшілік идеяның ерекшелігін атап өтіп, бұл образды тарихпен, ұрпақтар сабақтастығымен және ел мұрасына деген құрметпен байланыстырды.