Бүгін Алматы қаласының Бостандық ауданындағы референдум учаскелерінде «Қазақ аналары» қоғамдық бірлестігінің мүшелері белсенділік танытуда. 15 наурыз 2026 жылы Қазақстанда республикалық референдум өтіп жатыр, деп хабарлайды kazlenta.kz тілшісі Алматы өңірлік коммуникациялар қызметіне сілтеме жасап.
Бірлестік мүшелері дауыс беру учаскелеріне отбасымен келіп, азаматтық ұстанымдарын білдіруде. Олар жастарға үлгі көрсетіп, ел болашағына бейжай қарамаудың маңызын айтып отыр.
Аналардың айтуынша, референдум — әр азамат үшін маңызды таңдау. Сондықтан олар барша тұрғындарды дауыс беруге шақырып, қоғам өміріндегі маңызды бастамаларға белсенді қатысуға үндейді.
Қоғамдық бірлестік өкілдерінің учаскелерге келуі референдумның қоғамдық маңызын айқындай түсті. Отбасылық құндылық пен азаматтық жауапкершілікті қатар ұстанған аналар бүгінгі саяси науқанда да белсенділік танытып отыр.