ШҚО-да заңсыз айналымнан 6 келіден астам марихуана мен гашиш тәркіленді, – деп хабарлайды kazlenta.kz тілшісі Polisia.kz сайтына сілтеме жасап.
"Дәрмек" жедел-профилактикалық іс-шарасы барысында ШҚО ПД есірткі қылмысына қарсы іс-қимыл басқармасының қызметкерлері іздестіру шараларының нәтижесінде Самар ауданының 24 жастағы тұрғынының есірткі заттарын заңсыз сақтау және тұтыну фактісін анықтады. Күдіктінің үйі мен аула құрылыстарын жедел тінту кезінде есірткі тұтынуға арналған құрылғы, өсімдік тектес заты бар түйіншек, металл ыдыс, сондай-ақ өзіне тән ерекше иісі бар өсімдік массасы салынған қап табылып, тәркіленді. Сот сараптамасының қорытындысына сәйкес, тәркіленген заттар — жалпы салмағы 6 келіден астам кептірілген марихуана және салмағы 17 грамм гашиш екені анықталды. Қазіргі уақытта сотқа дейінгі тергеу амалдары жүргізіліп жатыр.Бүгін, 18:13
ШҚО-да заңсыз айналымнан 6 келіден астам марихуана мен гашиш тәркіленді
Фото: polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз