Иранның Қызыл Жарты ай ұйымы мұнай қоймаларының жарылысы қышқыл жауынға ұласуы мүмкін екенін ескертті, - деп хабарлайды kazlenta.kz тілшісі Tengrinews.kz сайтына сілтеме жасап.
"Мұнай қоймаларының жарылысы атмосфераға көмірсутектердің улы қосылыстары, күкірт пен азот оксидтері сияқты зиян заттардың көп мөлшерде тарауына әкеледі. Егер осы кезде жаңбыр жауса, ол өте қауіпті болып, қышқылдық қасиеті күшейеді", - делінген құтқарушылардың хабарламасында.
Мамандардың айтуынша, мұндай құбылыс терінің химиялық күйігіне және өкпеге айтарлықтай зиян келтіруі мүмкін.