Қазақстан Республикасы Көлік министрлігінде Теміржол және су көлігі комитетінің төрағасы Нұржан Келбұғановтың төрағалығымен теміржол инфрақұрылымын су тасқыны кезеңіне дайындау мәселелері бойынша кеңес өтті, деп хабарлайды kazlenta.kz тілшісі ҚР Көлік министрлігіне сілтеме жасап.
Кеңеске «Самұрық-Қазына» АҚ және «Қазақстан темір жолы» ҰК» АҚ басшылары қатысты.
Отырыс барысында қатысушы ұйымдардың өкілдері атқарылып жатқан жұмыстар туралы баяндады. Жоспарлы түрде қажетті құрал-жабдықтармен, инертті материалдармен, бутты тастармен және металл құрылымдармен жабдықталған 290 вагоннан тұратын 45 су шайылуына қарсы пойыз жасақталуда. Оңтүстік өңірде осындай 15 пойыз жасақталған.
ТЖМ аумақтық органдарымен теміржолдан жоғары орналасқан 83 су қоймасы мен бөгеттің жағдайы тексерілді.
Көпірлердің, құбырлардың және дренаждық құдықтардың саңылауларын қардан, мұздан және қоқыстан тазарту жұмыстары жалғасуда. Таулы және су бұру арналары, науалар мен кюветтер тазртылуда.
Теміржол учаскелерін тексеру үшін басшылардың шығу кестесі бекітілді.
Министрлік теміржолдың және жасанды құрылыстардың жай-күйіне, сондай-ақ еріген сулардың өтуіне тұрақты бақылауды және тасымалдау процесінің үздіксіз жұмыс істеуін қамтамасыз етуді тапсырды.