Алматы қаласының мәслихаты шағын және орта бизнесті жүйелі дамытуға, қаржыландыруға қолжетімділікті кеңейтуге және мегаполистегі инвестициялық белсенділікті арттыруға бағытталған «Almaty Business – 2030» жаңа өңірлік кәсіпкерлікті дамыту бағдарламасын бекітті.Алдыңғы «Almaty Business» бағдарламасы 2019-2025 жылдар аралығында іске асырылды, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Осы кезеңде бюджеттен бөлінген 30,6 млрд теңге есебінен жалпы сомасы 56,5 млрд теңге болатын 793 жоба қаржыландырылды, оның ішінде 25,9 млрд теңге қаражатты қайталама игеру есебінен жүзеге асырылды. Соның нәтижесінде қалада 6,4 мың жаңа жұмыс орны ашылды. Жаңа бағдарлама қала экономикасының басым салаларын қолдауды күшейтуді, әлеуметтік кәсіпкерлікті дамытуды, қаржыландыру шарттарын жетілдіруді және жаңа инвестициялық тетіктерді енгізуді көздейді.Бағдарламаның әкімшісі ретінде «Алматы қаласының кәсіпкерлік және инвестициялар басқармасы» КММ белгіленді. Операторлар — «Алматы» ӘКК» АҚ және оның еншілес ұйымдары: «Almaty Finance» ЖШС мен «Almaty» МҚҰ» ЖШС.
Оның айтуынша, «Almaty Business – 2030» бағдарламасын қабылдау экономикасының басым салаларын қолдауды күшейтуге, әлеуметтік кәсіпкерлікті қаржыландыру құралдарын кеңейтуге, инвестициялық белсенділікті арттыруға, жаңа жұмыс орындарын құруға және Алматы қаласындағы кәсіпкерліктің тұрақты дамуын қамтамасыз етуге мүмкіндік береді.