Ақпан айынан бастап Алматы музейі жаңа жұмыс кестесіне көшеді: енді музей сейсенбіден жексенбіге дейін сағат 10:00-ден 00:00-ге дейін жұмыс істейді, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Алматы музейі — Жетісу өңірінің тарихи-мәдени мұрасын жан-жақты таныстыратын ірі мәдени орталық. Алматы қаласының тарихын көне дәуірден бүгінгі күнге дейін қамтитын музейдің экспозициялық кеңістігі 11 залдан тұрады.
Жұмыс кестесіндегі өзгеріс музейге жұмыстан немесе оқудан кейін келуге ыңғайлы болу үшін енгізілді. Дүйсенбі — санитарлық күн.Алматы музейінің мекенжайы: Қабанбай батыр көшесі, 132.
