Махамбет атындағы академиялық қазақ драма театрының қызметкерлеріне арналған жаңа жатақхана бой көтереді. Бес қабатты заманауи ғимарат театр аумағындағы тозығы жеткен, ескі құрылыстардың орнына салынады,- деп хабарлайды kazlenta.kz тілшісі Атырау облысы әкімдігінің баспасөз қызметіне сілтеме жасап.
Жатақхана цоколь және техникалық қабатты қамтитын құрылымдық үлгіде жобаланған. Астыңғы қабатта инженерлік бөлмелер орналасса, бірінші қабатта санитариялық тораптар мен мүмкіндігі шектеулі жандарға бейімделген аймақтар қарастырылған.
Ал жоғарғы бөліктерде екі адамға арналған және отбасылық тұрғын бөлмелер, сондай-ақ ортақ ас үй орналастырылған.
Жаңа жатақхана театр ұжымын қолжетімді тұрғын үймен қамтып қана қоймай, қаланың сәулеттік келбетіне де оң серпін бермек.