Екібастұзда полицейлер заңсыз пиротехника саудасының жолын кесті, – деп хабарлайды kazlenta.kz тілшісі Polisia.kz сайтына сілтеме жасап.
Екібастұзда "Пиротехника" ЖПІШ шеңберінде қоғамдық қауіпсіздік полиция бөлімінің қызметкерлері заңнаманың белгіленген талаптарын бұза отырып, пиротехникалық бұйымдарды өткізудің жолын кесті.
– Рейд жүргізу барысында рұқсат құжаттарынсыз пиротехникалық бұйымдарды заңсыз сату фактісі анықталды. Тәркіленген тауар шамамен 150 мың теңгеге бағаланады. Саудагер жауапкершілікке тартылып пиротехникалық бұйымдар тиісті тексерулер үшін тәркіленді, – деді Екібастұз қаласы ПБ қоғамдық қауіпсіздік бөлімінің бастығы Медет Бейсенов.
Полиция пиротехникалық бұйымдарды заңсыз сату және пайдалану, әсіресе адамдар көп жиналатын жерлерде ауыр зардаптарға әкелуі мүмкін екенін еске салады. Тәртіп сақшылары азаматтарды пиротехниканы тек мамандандырылған сауда орындарынан сатып алуға және қауіпсіздік шараларын қатаң сақтауға шақырады.