Орал қаласында «Келешек мектептері» ұлттық жобасы аясында заманауи талаптарға сай жабдықталған жаңа мектеп пайдалануға берілді, деп хабарлайды kazlenta.kz тілшісі БҚО әкімдігіне сілтеме жасап.
Салтанатты ашылу рәсіміне Батыс Қазақстан облысының әкімі Нариман Төреғалиев қатысты. Өңір басшысы құттықтау сөзінде жаңа білім ордасының сапалы білім беру мен қолайлы оқу ортасын қалыптастырудағы маңызын атап өтті.
Жаңа мектеп – «Келешек мектептері» жобасы шеңберінде облыста ашылған жетінші білім беру ұйымы. Білім ордасы заманауи пәндік кабинеттермен, қауіпсіздік жүйелерімен толық жабдықталған.
Іс-шараға облыстық білім басқармасының басшысы Елдос Сафуллин, ардагер ұстаздар мен мердігер ұйым өкілдері қатысты. Салтанатты лента қию рәсімін облыс әкімі Нариман Төреғалиев пен ардагер ұстаз Жаңылсын Хамзақызы өткізді. Мектептің символикалық кілті табысталып, қатысушылар жаңа ғимаратпен танысты.
