Қазақстанның көлік инфрақұрылымы жаңа егіннің астығын тасымалдауға толық дайын. 2024-2025 маркетинг жылында 13,3 млн тонна астық тасымалданып, көрсеткіш 45%-ға өсті. Бұл туралы Үкімет отырысында көлік министрі Нұрлан Сауранбаев баяндады, деп хабарлайды kazlenta.kz тілшісі Үкіметтің баспасөз қызметіне сілтеме жасап.
Агроөнеркәсіп кешенінің басты мақсаты – өнімді уақытылы сатып, қоймаларды жаңа астыққа босату.
2024-2025 маркетинг жылында 13,3 млн тонна астық тасымалданып, 45%-ға өсті, оның ішінде 10,3 млн тонна экспортқа және 3 млн тонна республика бойынша жеткізілді.
«Негізгі бағыттарда оң динамика байқалады. Бөлек айтқанда, Қытай бағытында астықтың көлемі төмендегенмен, азықтық ұн 2 млн тоннаға жетіп, 4,6 есеге өсті. Бұл өңдеушілердің қосылған құны жоғары өнімді шығарудың арқасында мүмкін болды. Қолданыстағы парк астық жүктерін тасымалдау үшін жеткілікті. Мысалы, астық таситын вагондар 16,3 мыңға және ұн тасуға арналған жабық вагондар саны 16,5 мыңға жетті. Және Ұлттық операторда 1,7 локомотив бар», — деді көлік министрі Нұрлан Сауранбаев.
Сонымен қатар мемлекетаралық пунктілер астықты жоғары деңгейде тасымалдауға дайын. Ол үшін осы пункттерде пойыздарды өткізу мүмкіндігі жеткілікті. Мәселен, Өзбекстан және Орталық Азия бағытында өткізу қабілеті тәулігіне 42 пойызға, ал Қытай бағытына 43 пойызға жетті. Ресей бойынша 85 пойызға дейін мүмкіндік бар.
Осылайша, экспорттау үшін резервтер қарастырылған, мемлекетаралық пункттерінің мүмкіндіктері астықтың жаңа өнімін тасымалдауға жетеді. Көлік саласы егіннің жаңа астығын толық көлемде тасымалдауға дайын.