20-21 қыркүйекте Алатау ауданында Тәжікстанның Хатлон облысы фермерлерінің қатысуымен жәрмеңке өтеді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
40 фермер 200 тоннадан астам мынадай жаңа өнім әкеледі:— маусымдық жемістер мен көкөністер,— табиғи кептірілген жемістер,— шығыс тәттілері. Барлығын өндірушілерден тікелей қолжетімді бағамен сатып алуға болады. Жәрмеңке Қазақстан мен Тәжікстан арасындағы сауда байланыстарын дамытуға, фермерлерді қолдауға және тұрғындарды жаңа өнімдермен қамтамасыз етуге бағытталған, - делінген хабарда.Отбасыңызбен келіп, жаңа өнімнің дәмін татып көріңіз! Өтетін орны: «Алатау» театрының алдындағы тұрақ (Момышұлы – Универсиадная көшелерінің қиылысы).