Әкім Дархан Сатыбалды қала активімен кездесіп, Қазақстан Республикасының Президенті Қасым-Жомарт Тоқаев қойған міндеттерді талқылады. Кездесу әкімдік өкілдерінің, сарапшылардың, депутаттардың, қоғам өкілдерінің және тұрғындардың қатысуымен ашық диалог форматында өтті, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматы дамуының негізгі бағыттары:Цифрландыру және жасанды интеллект. Алматы көлемі - 4 трлн теңгеден тұратын ІТ-қызметтердің ұлттық нарығының 53 пайызын қамтамасыз етеді. Қалада жетекші ІТ-парктер, стартап-инкубаторлар және технологиялық компаниялар жұмыс істейді.Инвестициялар. 2030 жылға дейін 3,6 трлн теңгеден асатын қаражатқа 190-нан астам жоба іске асырылмақ.Туризм. 2029 жылға қарай Алматы тау кластері Орталық Азиядағы ең ірі жыл бойы жұмыс істейтін туристік жобаға айналып, жыл сайын шамамен 1 млн турист тартып, қаланың экономикасына 300 млрд теңгеден астам кіріс алып келеді.Экология. Негізгі назар – бірыңғай экологиялық стандарттарды енгізу, суды ұқыпты пайдалану, ресурстарды басқаруға арналған цифрлық платформаларды іске қосу және «Таза Қазақстан» бағдарламасын жүзеге асыруға аударылған,-делінген хабарда.