Алматы облысында Қазақстан Республикасы Конституциясының 30 жылдығына арналған жарқын әрі ауқымды мереке – “Aspan Fest” фестивалі өтті. Шараға 20 мыңнан астам адам жиналды, — деп хабарлайды kazlenta.kz тілшісі Polisia.kz сайтына сілтеме жасап.
Мереке басталар алдында облыстық полиция басшылығы жеке құрамға қоғамдық тәртіп пен қонақтардың қауіпсіздігін қамтамасыз ету бойынша нақты тапсырмалар берді. Фестиваль барысында тәртіп сақшылары тек қызметтік міндеттерін орындап қана қоймай, профилактикалық жұмыстарға да белсенді қатысты. Азаматтарға есірткінің зияны түсіндіріліп, алаяқтардың арбауына түсіп қалмаудың жолдары айтылды. Мерекенің ерекше атмосферасын танымал өнерпаздар, соның ішінде шетелдік орындаушылардың жарқын концерттік нөмірлері айшықтай түсті. Сондай-ақ полиция қызметкерлері де шет қалмай, көрермендерге авторлық патриоттық әні – “Міндет. Абырой. Ерлік” шығармасын орындап берді. Ол жиналған көпшіліктің ыстық ықыласы мен қолдауына ие болды. Осылайша, “Aspan Fest” ешқандай оқыс оқиғасыз өтіп, тек мәдени шара ғана емес, полиция мен азаматтар арасындағы сенімді нығайтуға, сондай-ақ салауатты әрі қауіпсіз өмір салтын насихаттауға арналған алаңға айналды.1-09-2025, 13:01
"Aspan Fest” фестивалі: Алматы облысында полиция 20 мыңнан астам көрерменнің қауіпсіздігін қамтамасыз етті
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз