Алматы облысында полицияның гарнизондық таратуы өтті, – деп хабарлайды kazlenta.kz тілшісі Polisia.kz сайтына сілтеме жасап.
Алматы облысында полиция қызметкерлері ауқымды гарнизондық тарату іс-шарасын өткізді. Оған департаменттің барлық қызметтері, өңірдегі Ұлттық ұлан сарбаздары және ведомство басшылығы қатысты.
– Іс-шара облыстағы қазіргі жедел жағдай туралы баяндамадан басталды. Полиция басшылығы Мейрам Әбікеев жұмыс көрсеткіштерін жариялап, құқық бұзушылықпен күрестегі жетістіктерді атап өтті және алдағы уақытқа басым міндеттерді белгіледі. Әсіресе, қылмыстың алдын алу және мереке қарсаңында қоғамдық қауіпсіздікті күшейту мәселелеріне ерекше назар аударды, – дейді облыстық полиция өкілдері.
Жедел жағдайды талдағаннан кейін жеке құрамның саптық тарауы өтті. Полиция қызметкерлері қызметтік міндеттерін орындауға дайындығын көрсетті. Қызметкерлердің сыртқы келбеті, киім үлгісі, жабдықтардың жай-күйі, сондай-ақ қызметтік автокөліктер мен арнайы құралдардың жарамдылығы тексерілді.