Астана әкімдігінде елордалық жоғары оқу орындары мен колледждерде білім алуға арналған гранттарды табыстау рәсімі өтті. Іс-шараны VIII шақырылымдағы қалалық мәслихат депутаттары меценаттар мен серіктес оқу орындарының қолдауымен ұйымдастырды, деп хабарлайды kazlenta.kz тілшісі елорда әкімдігінің ресми сайтына сілтеме жасап.
«Конституция күні қарсаңында біз, мәслихат депутаттары бірнеше жылдан бері жалғастырып келе жатқан игі дәстүрді жалғаймыз. Гранттар ерекше қолдауды қажет ететін жастарға беріледі. Олар – көпбалалы және әлеуметтік осал отбасылардың балалары, сондай-ақ қаланың дамуына үлес қосып жүрген белсенді волонтерлер. Біз үшін жастарға тек қолдау көрсету ғана емес, оларға арманын жүзеге асырып, қоғамға пайдалы болуға мүмкіндік беру маңызды», – деді қалалық мәслихат төрағасы Табиғат Зейнұлқабден.
Гранттар гуманитарлық және техникалық бағыттар бойынша жоғары сұранысқа ие мамандықтарға бөлінді. Оған «Тұран-Астана» университеті, Қазақ агротехникалық университеті, Astana International University, «СИНЕРГИЯ» университеті және М.Жұмабаев атындағы Халықаралық жоғары колледжі қатысты.Салтанатты іс-шарада ерекше әңгімелер айтылды. Мәселен, грант иегерлерінің бірі, волонтер Ілияс Мұстафин өз тәжірибесін былайша жеткізді:
«Мен №101 мектепті бітірдім, екі жыл бойы волонтерлікпен белсенді айналыстым және IT саласына қызығып жүрмін. Енді мәслихат депутаттарының бастамасымен берілген гранттың арқасында «Тұран» университетіне «қаржы» мамандығы бойынша оқуға түстім. Бұл – алға жасалған үлкен қадам әрі отбасым үшін зор қолдау. Берілген мүмкіндікке алғысым шексіз».
Мәслихаттың мұндай бастамалары білім алуға және дамуға ұмтылған жастар үшін нақты қолдауға айналы келеді.
скачать dle 11.1смотреть фильмы бесплатно
