Қостанайда полиция қызметкерлері жол жүру ережелерін сақтаудың маңыздылығын еске салу мақсатында ауқымды профилактикалық акция өткізді, – деп хабарлайды kazlenta.kz тілшісі Polisia.kz сайтына сілтеме жасап.
Қала орталығында олар 19 патрульдік автокөліктен ПДД (жол жүру ережелері) деген жазуды құрады. Флешмобқа ҚР ІІМ Қостанай академиясының курсанттары қатысты. Игі бастама қоғам назарын жол-көлік оқиғаларының алдын алуға және жол қауіпсіздігі ережелерін сақтау қажеттігіне аударуға бағытталған.
— Жолдағы қауіпсіздік — бұл тек полицияның міндеті ғана емес, әрбір жол қозғалысына қатысушының жауапкершілігі. Мұндай формат осыны қарапайым әрі көрнекі түрде еске салады, — деп атап өтті Қостанай қалалық полиция басқармасы жергілікті полиция қызметі бөлімінің аға инспекторы Әсем Ерденова.
Қала тұрғындары бұл шараға қызығушылықпен қарап, флешмоб сәттерін әлеуметтік желілерде белсенді түрде бөлісті.
