Иран Қатардағы америкалық әскери базаларға қарсы операцияны бастады. Бұл туралы Иранның мемлекеттік теледидары хабарлады. Сондай-ақ Ирактағы АҚШ әскери базасына да шабуыл жасалды, деп хабарлайды kazlenta.kz тілшісі Zakon.kz сайтына сілтеме жасап.
РИА Новости Tasnim ақпарат агенттігіне сілтеме жасай отырып, АҚШ базаларына қарсы ұйымдастырылған операция "Жеңіс жайлы сүйінші хабар" деген атауға ие екенін хабарлайды.
Қатар Қорғаныс министрлігі хабарлағандай, Иранның әуе соққыларынан құрбан болғандар жоқ.
Иран Қатардағы америкалық базаларға қарай 10 зымыран және Ирактағы америкалық базаға 1 зымыран ұшырды, деп жазады ТАСС Ynet-ке сілтеме жасай отырып.
Сондай-ақ, Иранның қарулы күштері АҚШ-тың Қатардағы әл-Удейд әскери базасына соққы бергенін растады. РБК мәліметтері бойынша, Иранның Ислам революциясының сақшылар корпусы (ИРСК) Қатардағы америкалық базаны зымыранмен атқылағаннан кейін мәлімдеме жариялады.