Алматыда автотұрақтарда заңсыз жұмыс істеп келген сауда орындарына қарсы шаралар жалғасып отыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бүгінде ірі сауда орталықтарының маңын өз бетімен басып алған 67 құрылыс нысаны бұзылды. Тексеріс барысында газ баллон пайдаланылып, ашық отта тағам әзірлейтін, қауіпсіздік талаптарына сай келмейтін сауда нүктелері анықталған. Бұл адам өмірі мен денсаулығына қауіп төндіреді.Қазіргі уақытта атқарылған жұмыстар:«Адем» сауда орталығы маңынан 30 заңсыз құрылыс нысаны бұзылды;«Ялян» сауда орталығы жанындағы 37 нысанды сүру туралы сот шешімі шығып, жұмыс басталып кетті.«Алматы паркинг» КМК мұндай шаралардың қала тұрғындары мен қонақтарының қауіпсіздігі мен жайлылығы үшін аса маңызды екенін айтады.