Алматыда балалар байқауын ұйымдастырушы алаяқтық жасады деген күдікпен ұсталды, — деп хабарлайды kazlenta.kz тілшісі Polisia.kz сайтына сілтеме жасап.
Алматы қалалық полиция департаменті кәмелетке толмаған балалардың ата-аналарынан халықаралық байқауға қатысу сылтауымен ақша жинау дерегі бойынша сотқа дейінгі тергеу жұмыстарын бастады. Алдын ала мәліметтерге сәйкес, 2024 жылдың желтоқсан айында жарияланған іс-шараның ұйымдастырушысы шетелдік байқауға қатысуды ұсынып, ата-аналардан қаржыны есепшоттар арқылы жинаған. Алайда уәделерге қарамастан, байқау өткізілмеген, балалар шетелге шықпаған және қаржы қайтарылмаған. Қазіргі таңда елдің бірнеше өңірінен азаматтардан арыздар тіркелді. Материалдық шығын көлемі анықталу үстінде. Күдікті ұсталып, уақытша ұстау изоляторына қамалды. Кешенді тергеу амалдары жүргізілуде. Полиция азаматтарды кәмелетке толмағандардың сапарларына қатысты келісімдер жасасқанда қырағылық танытуға және қандай да бір ұсыныстың заңдылығына күмән туындаған жағдайда полицияға жүгінуге шақырады.3-06-2025, 12:59
Алматыда балалар байқауын желеу еткен алаяқ ұсталды
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз